ڕۆتینی چاودێری پێست بەپێی جۆری پێست

هەموو پێستێک تایبەتمەندی خۆی هەیە. دۆزینەوەی جۆری پێستەکەت و دابینکردنی ڕۆتینێکی گونجاو کلیلی گەیشتنە بە پێستێکی گەشاوە و تەندروست. لێرەدا ڕێنمایی ڕۆتینی ڕۆژانە و ئێوارانمان بۆ هەر چوار جۆرە سەرەکییەکەی پێست داناوە:

 پێستی ئاسایی (Normal Skin) .1

پێستی ئاسایی، پێستێکی هاوسەنگە کە نە زۆر وشکە و نە زۆر چەورە، کەمتر کێشەی (زیپکە) یان هەستیاری هەیە.

ڕۆتینی بەیانیان (AM): سەرەتا بە پاککەرەوەیەکی نەرم دەستپێبکە. دواتر، سیرەمێکی ڤیتامین C بەکاربهێنە بۆ پارێزگاری لە ژینگە. لە کۆتاییدا، کرێمێکی سووک بۆ شێدارکردنەوە بەکاربهێنە و گرنگترین هەنگاو، بریتییە لە بەکارهێنانی دژەخۆر (SPF 30+) بۆ پاراستن.

ڕۆتینی ئێواران (PM): دووبارە پێستەکەت بە پاککەرەوەیەکی نەرم پاک بکەرەوە. پاشان، سیرەمێکی ڕێتینۆڵ (Retinol) یان پێپتایدەکان (Peptides) بەکاربهێنە بۆ نوێکردنەوەی پێست. لە کۆتایی ڕۆتینەکەدا، کرێمێکی ئاسایی بۆ شێدارکردنەوە بەکاربهێنە.

---

 پێستی چەور (Oily Skin).2 

پێستی چەور، پێستێکە کە بریقەی زۆری هەیە بەهۆی دەردانی زۆری چەوری (Sebum)، زۆر جار کونیلەکانی گەورەن و زیپکە زوو لێی دروست دەبێت.

ڕۆتینی بەیانیان (AM): بۆ پاککردنەوە، پاککەرەوەی جێڵ (Gel cleanser) یان فۆمی (Foaming) بەکاربهێنە. پاشان، وەک چارەسەر، تۆنەرێکی ترشی سالیسیلیک (Salicylic Acid) بەکاربهێنە. بۆ شێدارکردنەوە، شێدارکەرەوەی بێ چەوری (Oil-free moisturizer) یان جێڵ هەڵبژێرە. هەروەها، دژەخۆرێکی (Mattifying) یان بێ چەوری (Oil-free Sunscreen SPF 30+) بەکاربهێنە.

ڕۆتینی ئێواران (PM): ئەگەر ماکیاژت کردووە، باشترە دووجار پاککردنەوە (Double cleanse) ئەنجام بدەیت. بۆ چارەسەرکردن، سیرەمی نایاسیناماید (Niacinamide) بەکاربهێنە بۆ کۆنتڕۆڵکردنی چەوری. لە کۆتاییدا، شێدارکەرەوەیەکی جێڵی سووک یان (Fluid) بەکاربهێنە.

---

 پێستی وشک (Dry Skin).3 

پێستی وشک، پێستێکە کە هەست بە توندی و وشکی دەکەیت، زۆر جار پەڵەی وشک و سوورباوی تێدایە، و پێویستی بە شێداری و چەوری زۆرە.

ڕۆتینی بەیانیان (AM): بە پاککەرەوەی کرێمی (Cream cleanser) دەستپێبکە. بۆ شێدارکردن، سیرەمێکی ترشی هایالۆرۆنیک (Hyaluronic Acid) بەکاربهێنە. پاشان، کرێمێکی چڕ (Thick/Rich cream) بەکاربهێنە وەک شێدارکەرەوە. دژەخۆری شێدارکەرەوە (Hydrating Sunscreen SPF 30+) بەکاربهێنە بۆ پاراستن.

ڕۆتینی ئێواران (PM): بۆ پاککردنەوە، دەتوانیت پاککەرەوەی کرێمی یان ڕۆنی بەکاربهێنیت. سیرەمێکی چەور یان شیری (Oil-based/Milky Serum) وەک چارەسەر بەکاربهێنە. بۆ شێدارکردنەوەی زۆر چڕ، مەرهەم یان کرێمی زۆر چڕ (Balm or very rich cream) بەکاربهێنە.

---

 پێستی هەستیار (Sensitive Skin).4 

پێستی هەستیار، پێستێکە کە بە ئاسانی تووشی سووربوونەوە، خوران، یان هەستیاری دەبێت لە ئەنجامی گۆڕانکارییەکانی کەشوهەوا یان بەکارهێنانی بەرهەمی نەگونجاو.

ڕۆتینی بەیانیان (AM): بۆ پاککردنەوە، پاککەرەوەی هێورکەرەوە (Soothing cleanser) ی بێ بۆن (Fragrance-free) بەکاربهێنە. پاشان، سیرەمی (Cica) یان (Centella) بۆ هێورکردنەوەی پێست بەکاربهێنە. کرێمێکی نەرم و هێورکەرەوە (Gentle, calming cream) بۆ شێدارکردنەوە بەکاربهێنە. لە کۆتاییدا، دژەخۆری کانزایی (Mineral Sunscreen SPF 30+) بەکاربهێنە.

ڕۆتینی ئێواران (PM): پاککەرەوەی بێ بۆن و نەرم بەکاربهێنە. کرێمی (Ceramide) بۆ پاراستنی بەربەستی پێست (Skin Barrier) وەک چارەسەر بەکاربهێنە. لە کۆتاییدا، کرێمی پارێزەری بەربەست (Barrier repair cream) بۆ شێدارکردنەوە بەکاربهێنە.